دخون غناتي
AED. 113.00
هالدخون هو العشق! ريحته تعطرج وتعطر بيتج بفخامة ودفى يفتح النفس. إحساس يجمع بين الرقة والقوة، ويخلي كل زاوية في الصالة تنبض بالريحة الغاوية.
دمج خيالي بين الأصالة والنعومة الفرنسية، وهو مناسب للرجال والنساء لتشاركيه مع من تحبين.
يتم في شعرج وثيابج وميلسج لأيام طويلة.
ريحته تترس المكان وتنتشر بقوة من أول دقيقة.
يحترق بهداوة ونقاء تام بدون أي ريحة حراق.
كل شوي تفوح لج بنوتة يديدة تأخذك لعالم آخر.
قطرات الزيت العطري المرفقة وياه تضاعف قوة الريحة.
هرم النوتات
القمة: أزهار | القلب: مسك | القاعدة: خشبالمحتوى
غرشة دخون تفتح النفس، فيها 5 حبات مسلفنة بسلفنة ذهبية راقية (حجم 75 غرام)، وتيي وياها تولة زيت عطري من نفس الريحة عشان تزيدين الفوحان والتركيز على كيفج.
المكونات
بودرة عود، مسك أبيض، مسك أسود، ماي ورد، عسل، عطر عود الشيخ عبدالله، أخشاب الغاياك، أخشاب الكوباهو، برالين وردي، ورد، ياسمين.
قصة دخون غناتي
دايماً كنت أدور ريحة تمثل بيوتنا الإماراتية بس بلمسة يديدة، قعدت أجرب وأخلط أدهان ومسك وأخشاب قديمة لشهور، لين ما طحت على هالخلطة السرية اللي جمعت العسل والورد ويا العود، والنتيجة؟ دخون صار إدمان لكل من شمه ومستحيل يتكرر في السوق!